«Міржақып. Оян, қазақ!» фильмі тағы бір апта кинотеатрда көрсетіледі

Ел кинотеатрларында көрсетілімге шыққан 6 сериялы «Міржақып. Оян, қазақ» сериалының ықшамдалған нұсқасының прокаты тағы бір аптаға созылды, деп хабарлайды ҚазАқпарат.

кино
Фото: Murat Yeszhan/Facebook

«Қалың көрерменнің қалауы болып, «Міржақып. Оян, қазақ» фильмінің кинотеатрлардағы көрсетілімі тағы бір аптаға ұзартылды. Енді талабымызға қадамымыз сай боп, келесі аптаны да аншлаг жасайық. Кинотеатрлар да сұранысты көрді ғой, мүмкін сеанстар санын бұдан да ұлғайтар. Мемлекеттің жұмсаған қаржысы ақталған алғашқы тарихи жоба болса деген тілек бар», — деп жазды сериалдың режиссері Мұрат Есжан Facebook парақшасында.  

Оның айтуынша, аталған фильм 100% мемлекеттік бюджетке түсірілген.

Айта кетсек, желіде «Міржақып. Оян, қазақ!» атты минисериалдың қысқартылған нұсқасы көрсетілімнен алынып тасталды деген ақпарат тараған еді.

Кейін режиссер Мұрат Есжан ресми түсінік берді.

Еске салсақ, аталған фильм 21 қыркүйектен бастап қалың жұртшылыққа жол тартты. 

Соңғы жаңалықтар