Мурманскі әуежайына қонар сәтте ұшақ қозғалтқышына құс кіріп кетті

АСТАНА. ҚазАқпарат - Сәрсенбіге қараған түні Мурманск қаласының әуежайында Мәскеу-Мурманск бағдарын орындаған «Аэрофлот» ұшағының қонуы кезінде оның қозғалтқышына құс кіріп кеткен.

«Интерфакс» агенттігіне әуежайдың диспетчерлік қызметінен хабарланғандай, ұшақты қондыру штаттық режімде өтті, оның жолаушылары зардап шеккен жоқ.

«Қазіргі кезде бұл ұшақтың кезекті сапары кешігіп жатыр. Ұшақты тексеру қажет.

Онымен Мәскеуге ұшуы тиіс болған жолаушылар өзге рейстердің бос орындарына отырғызылды», - деді агенттіктің әңгімелесушісі.