15:37, 27 Тамыз 2014 | GMT +5
НАНКИН-2014: Қазақстандық боксшы Вадим Казаков күміс жүлдеге ие болды
АЛМАТЫ. ҚазАқпарат- Жасөспірімдер арасында Әлем біріншілігінің күміс жүлдегері қазақстандық боксшы Вадим Казаков (81 кг) Қытайдың Нанкин қаласында өтіп жатқан жасөспірімдер Олимпиадасында да күміс жүлдеге ие болды. Бұл туралы Қазақстанның бокс федерациясының баспасөз қызметінен хабарлады.

Бүгін ақтық сында отандасымыз өкінішке қарай Болгариялық бксшы Благой Найденовтан 3:0 есебімен жеңіліп қалды.
Естеріңізде болса, биыл Болгария қаласында өткен жасөспірімдер арасындағы Әлем біріншілігінің финалында да Вадим осы Благой Найденовқа есе жіберіп алған болатын.
Айта кетелік, қазір Қытайдың Нанкин қаласында өтіп жатқан II жазғы Жасөспірімдер Олимпиадасына Қазақстаннан 4 боксшы барған еді. Шалқар Айқынбай (49 кг) төртінші орынға тұрақтаса, Алуа Балқыбекова (51 кг) бесінші орынды иемденді.