НАТО-ның Бас хатшысы АҚШ-қа барады

АСТАНА.KAZINFORM - НАТО-ның Бас хатшысы Марк Рютте 2025 жылдың 12-14 наурызында Вашингтонға барады, деп хабарлайды Kazinform тілшісі.

13 наурызда Бас хатшы АҚШ президенті Дональд Трамппен Ақ үйде кездеседі. Сапар барысында ол АҚШ әкімшілігі мен Конгресінің жоғары лауазымды тұлғаларымен де кездеседі.

Айта кетейік, АҚШ үкіметінің тиімділігі департаментінің (DOGE) басшысы Илон Маск Солтүстік атлантикалық альянсты қайта құруға шақырған болатын.

Ол сенатор Майк Лидің (Юта штаты) НАТО «ескірген» және «қырғи-қабақ соғыс дәуірі әлдеқашан аяқталды» деген жазбасына жауап ретінде «НАТО-ны толықтай қайта құру қажет», - деп жазды.

Бұдан бұрын Әзербайжан НАТО-ның Озық тәжірибе орталығына қосылғанын хабарладық.