Наурыз мерекесінде Қытаймен шекарадағы өткізу пункттері жұмыс істей ме
АСТАНА. KAZINFORM — Қытаймен шекарадағы автомобиль өткізу пункттері 2025 жылдың 8 наурыз және 21-23 наурыз аралығында жұмыс істемейді, деп хабарлайды Мемлекеттік кірістер комитеті.
— Мемлекеттік кірістер комитеті, Қазақстан Республикасында 2025 жылғы 8 наурыз күні «Халықаралық әйелдер» және 21-23 наурыз аралығы «Наурыз мейрамын» мерекелеуге байланысты қазақстан-қытай шекарасындағы автомобиль өткізу пунктерінде тұлғаларды, көлік құралдары мен жүктерді өткізу жүзеге асырылмайтынын хабарлайды, — делінген ведомство таратқан ақпаратта.
Комитет мәліметінше, Қазақстан-қытай шекарасындағы теміржол өткізу пункттері штаттық режимде жұмысын жалғастырады.
— Тасымалдаушылар мен барлық шекараны кесіп өтуге ниет білдірушілерді енгізілген шектеулерді ескере отырып, өз бағыттарын алдын ала жоспарлауды сұраймыз, — депе ескертті Мемлекеттік кірістер комитеті.
Бұдан бұрын ХҚКО-лар наурыз айындағы мерекелерде қалай жұмыс істейтіні айтылды.
