Назарбаев Путинге екі елдің географиялық орналасуын басымдыққа айналдыруды ұсынды
«Біздің елдеріміздің ерекшелігі - территориясының үлкендігінде және Азия мен Еуропа арасында географиялық орналасуы болып саналады, бұл ерекшелікті нақты басымдыққа айналдыру қажет», - деді Елбасы.
Осы ретте Мемлекет басшысы Қазақстанның да, Ресейдің де транзиттік тасымал саласында зор әлеуетке ие екендігін баса айтты.
«Азия мен Еуропа арасында көліктің барлық түрімен тасымалданатын 22 миллионнан астам контейнердің біздің елдің үлесіне тек 100 мыңы ғана немесе 0,1 пайыздан кемі ғана тиесілі. Біз бұл салада бәсекелес емес стратегиялық серіктес екендігімізді айрықша атап өткім келеді. Сенімді қарым-қатынас орнаған, бұған қоса, бірлескен логистикалық компания да құрылған. Көлік саласы экономиканы дамытудағы драйверлердің біріне айналуы тиіс», - деді ҚР Президенті.