Назгүл Маратова Әбу-Дабидегі Grand Slam турнирінің финалына жолдама үшін күреседі

АСТАНА. KAZINFORM – Әбу-Дабиде (БАӘ) дзюдодан Grand Slam сериясы турнирінің соңғы күні өтіп жатыр, деп хабарлайды Olympic.kz.

78 келіден жоғары салмақта жартылай финалға қазақстандық Назгүл Маратова өтті.

Ширек финалда ол өзінің отандасы Карина Такиеваны жеңді.

Ал финалға шығу үшін ол енді франциялық карсыласы Кораль Хаймемен күреседі. 

Еске сала кетейік, бұған дейін қазақстандық дзюдошы Дәурен Сүюкеновтің Әбу-Дабиде (БАӘ) өтіп жатқан Grand Slam турнирінің қола жүлдесін жеңіп алғанын жазған едік. 

Сондай-ақ Әбиба Әбужақынова да Grand Slam турнирінің қола жүлдегері атанды.