Непалда соңғы бір айда өрт салдарынан 22 адам қаза тапты
АСТАНА. KAZINFORM – Непалда қаңтардың ортасы мен ақпан айының ортасына дейінгі аралықта болған бірнеше жүздеген өртте 22 адам қаза тауып, 87 адам жарақат алды. Бұл туралы бейсенбі күні жергілікті полиция мәлімдеді, деп хабарлайды Синьхуа ақпарат агенттігі.
Полицияның ай сайынғы есебіне сәйкес, 478 өрт салдарынан 68 үй мен 66 мал қорасы қиратып, 247 мал қырылды. Жойылған мүліктің жалпы құны 184,82 млн непал рупиясын (1,34 млн АҚШ доллары) құрады.
Өрттердің басым бөлігі Коши провинциясында, одан кейін ел астанасы орналасқан Багмати провинциясында тіркелді.
Еске сала кетейік, қаңтарда Непалда 7 балдық жер сілкінісі болғанын жазған болатынбыз.
Непалда демалыс күндері жауған нөсер жаңбыр салдарынан болған су тасқыны мен көшкіннен қаза тапқандар саны 193-ке жеткен еді. Сол тұста қалпына келтіру және құтқару жұмыстары күшейтілді.
