Нидерланд пен Францияда мыңдаған адам нәсілшілдікке қарсы наразылық білдірді

АСТАНА. KAZINFORM — Нидерланд пен Францияда нәсілшілдік пен әсіре оңшылдардың күшеюіне қарсы наразылық акциялары өтті, деп жазады Еuronews.

Нидерланд астанасы Амстердамдағы Дам алаңында сенбі күні нәсілшілдікке, фашизмге және әсіре оңшыл саясатқа қарсы жаппай наразылық шеруіне 10 мыңнан астам адам жиналды.

Comite 21 Maart нәсілшілдікке қарсы бірлестігі ұйымдастырған демонстрация 1966 жылы Біріккен Ұлттар Ұйымы жариялаған күннен бастап жыл сайын 21 наурызда атап өтілетін нәсілдік кемсітушілікті жоюдың халықаралық күнінен бір күн өткен соң өтті.

Шараны ұйымдастыруға Amnesty International, Kick Out Zwarte Piet, голландиялық Палестина комитеті қатысты.

Наразылық білдірушілер Палестинаны қолдап, әр жерде елдің жалауын желбіретті. Жақында Израиль ХАМАС-пен 15 айға созылып, 50 000-ға жуық адам қаза тапқан Газадағы соғысты қайта бастады.

Нидерланд үкіметі өткен жылы оңшыл төрт партия коалиция құруға келіскеннен кейін, наразылық білдіріп, ішкі басқаруға қатысты алаңдаушылықтарын білдірді.

Нидерландтағы шеру бейбіт түрде өтті. Ресми өкілдің айтуынша, шеру кезінде тұтқынға алынғандар жоқ.

Бұған дейін сыбайлас жемқорлық бойынша айыпталған Ыстамбұл мэрі қамауға алынғаны анықталды.