Никол Пашинян Әзербайжанмен бейбіт келісімге қол қоюға дайын екенін мәлімдеді

АСТАНА.KAZINFORM — Армения премьер-министрі Никол Пашинян Әзербайжанмен келісілген бітімгершілік келісім жобасына қол қоюға дайын екенін мәлімдеді, деп хабарлайды Armenpress.

Арменияның премьер-министрі Никол Пашинян Әзербайжанмен бұған дейін келісілген бейбіт келісім жобасына қол қоюға дайын екенін мәлімдеді.

Armenpress агенттігінің хабарлауынша, бұл туралы премьер-министр өзінің Facebook парақшасында жазды.

 — Армения мен Әзербайжан арасындағы бейбіт келісім жобасы келісілді және қол қоюды күтіп тұр. Мен бұл құжатқа қол қоюға дайынмын, — деп жазды Армения премьер-министрі.

Айта кетелік Әзербайжан мен Армения шекарадағы делимитациялау жұмыстарын жүргізу тәртібін келіскен еді.