Норвегияда хоккей чемпионатының матчы сегіз сағатқа созылды

АСТАНА. ҚазАқпарат - Норвегияда хоккей чемпионатының плей-офф кезеңінде «Сторхамар» мен «Спарта» арасындағы матч хоккей тарихындағы ең ұзақ ойын атанды.

Жеңімпазды анықтау үшін рекордты сегіз овертайм қажет болған.

Жексенбі күні Хамар қаласында болған кездесу 2:1 есебімен аяқталды. Ойынның тоғызыншы сағатында жеңісті шайбаны алаң қожайындарының форварды Йоаким Йенсен салды.

Матч жергілікті уақытпен 18:00-де басталып, түнгі екі жарымда аяқталды. Оның таза уақыты 217 минут 14 секундты құрады.