Нұрасыл Төлебек бокстан жасөспірімдер арасында әлем чемпионы атанды

Қазақстандық Нұрасыл Төлебек Ереван қаласында бокстан жасөспірімдер арасында өтіп жатқан әлем чемпионатында жеңімпаз атанды, деп хабарлайды Kazinform.

Н.Төлебек 54 келіге дейінгі салмақта финалда үндістандық Жатин Жатинмен жұдырықтасты.

Бірінші кезеңде төрешілер түгелдей қазақстандық боксшы басым түсті деп тапты. Қорытынды есеп – 4:1, Нұрасылдың пайдасында.

Осылайша Нұрасыл Төлебек Қазақстан қоржынына төртінші алтынды салды.

Кеше үш қызымыз чемпион атанған еді.

Еске сала кетейік, бұдан бұрын Толғанай Қасымханның бокстан жасөспірімдер арасындағы әлем чемпионатында алтын медаль жеңіп алғанын жазған болатынбыз.