Нұрдәулетов пен Шойгу халықаралық қауіпсіздіктің қазіргі жай-күйін талқылады
АСТАНА. KAZINFORM – Астанада Қазақстан мен Ресей Қауіпсіздік кеңестерінің аппараттары арасында кеңейтілген жоспарлы консультациялар өтті, деп хабарлайды Ақорданың баспасөз қызметі.
Қазақстан Республикасы Қауіпсіздік Кеңесінің хатшысы Ғизат Нұрдәулетов пен Ресей Федерациясы Қауіпсіздік Кеңесінің хатшысы Сергей Шойгудың төрағалығымен өткен келіссөздер барысында ынтымақтастықтың өзекті мәселелері талқыланды.
Тараптар халықаралық және өңірлік қауіпсіздік саласының қазіргі жай-күйін қарады. Қауіпсіздікті қамтамасыз ету мақсатында өзара іс-қимылды нығайтуға қажетті шаралар жөнінде пікір алмасты.
Қауіпсіздік кеңестерінің аппараттары арасындағы консультациялар қабылданған ынтымақтастық жоспарына сәйкес тұрақты негізде өтеді.
Бұған дейін Президент Қасым-Жомарт Тоқаев Ресейдің Қауіпсіздік Кеңесінің хатшысы Сергей Шойгуды қабылдағанын жаздық.
