Нью-Йоркте төтенше жағдай жарияланды

АСТАНА. KAZINFORM — Нью-Йорк қаласының мэрі Зохран Мамдани АҚШ-тың солтүстік-шығысында болжанып отырған қарлы боранға байланысты қалада төтенше жағдай жариялады. Мамдани төтенше жағдайлар қызметінен басқа қаланың барлық көлік желісін жабуды бұйырды. Бұдан басқа, дүйсенбіде мемлекеттік мектептерде сабақ тоқтатылды, деп жазды WION. 

— Нью-Йоркте он жыл ішінде мұндай күшті дауыл болған емес. Біз Нью-Йорк тұрғындарын барлық маңызды емес сапарға шықпауын сұраймыз, — деді мэр төтенше жағдайды түсіндіре отырып.

NYC, we've declared a local state of emergency ahead of this blizzard.

Here's what that means for you:

Roads closed at 9pm — streets, highways, and bridges closed to all vehicles (cars, trucks, scooters, e-bikes) through 12pm Monday. Essential and emergency trips only.

No…

— Mayor Zohran Kwame Mamdani (@NYCMayor) February 22, 2026

Нью-Йорк штатының губернаторы Кэти Хокул солтүстік-шығыс дауылының жақындап келе жатқанына байланысты бүкіл штат бойынша төтенше жағдай жариялап, Ұлттық гвардияның шамамен 100 әскери қызметкерін жұмылдырды.

— Біз мұндайды көп жыл бойы көрген емеспіз. Адамдар хабарсыз қалады. Лонг-Айленд, Нью-Йорк және Гудзонның төменгі бөлігі дауыл эпицентрінде қалады, — деп ескертті ол.

Нью-Джерси губернаторы Микки Шеррилл де жексенбі күні түстен кейін күшіне енетін төтенше жағдай жариялады.

Осындай шектеулер Коннектикут штатында да енгізілді.

Массачусетс штатында да төтенше жағдай жарияланды, онда көмек көрсету үшін Ұлттық гвардияның 200-ге дейін әскері жұмылдырылған. Штат билігі жексенбі кешінен бастап маңызды емес сапарларға шектеулер енгізді.

Америкалық Ұлттық метеорология қызметінің мәліметінше, АҚШ-тың солтүстік-шығысында сағатына 5-7,5 см қар жауып, жел екпіні сағатына 110 км-ге жетеді.

Осыған дейін Мәскеуде 80 см қар жауып, 72 жылдағы рекорд тіркелгенін хабарладық.