Нью-Йоркте Зеленский мен Трамп кездесті
АСТАНА. KAZINFORM — 22 қыркүйек, сейсенбі күні Нью-Йоркте БҰҰ Бас Ассамблеясының 81-ші сессиясы аясында Украина және АҚШ президенттері Владимир Зеленский мен Дональд Трамп кездесті, деп хабарлайды Kazinform DW-ге сілтеме жасап.
Келіссөздер 40 минутқа созылды.
Зеленский Трамппен өткен жабық форматтағы кездесуді «позитивті және нәтижелі» деп атады. Оның айтуынша, тараптар дипломатиялық процесті алға жылжыту шарттарын талқылады. Зеленский сонымен қатар АҚШ президенті Украинадағы қақтығысты қысқа дейін тоқтатуға көмектесетініне үміт білдірді.
Украина президенті Киевтің кез келген энергетикалық бітімге келуге дайын екенін мәлімдеді.
Зеленский сонымен қатар Ақ үй басшысы Ресей президенті Владимир Путинмен үшжақты кездесу ұйымдастыра алады деп үміттенетінін білдірді.
Еске сала кетейік, Трамп АҚШ өкілдерінің БҰҰ Бас Ассамблеясы аясында Иран делегациясымен үш сағат бойы «өте нәтижелі» кездесу өткізгенін жеткізді.
Нұрлан Тұяқов
