Облыс әкімі Арал ауданында жүзеге асырылып жатқан жаңа жобалармен танысты

ҚЫЗЫЛОРДА. Қаңтардың 13-і. ҚазАқпарат (Руслан Игілік) - Облыс әкімі Болатбек Қуандықов іссапармен Арал ауданында болып, осы өңірдегі индустриялық-инновациялық даму бағыты бойынша жүзеге асырылып жатқан жаңа жобалармен танысты,
None
None

деп хабарлайды ҚазАқпарат тілшісі.

Ауданда жаңа өндіріс орын­дарының ашылуы жергілікті халықтың тұрмыс-тіршілігінің оңалуына игі ықпал етті. Жүзеге асып жатқан жаңа жобалар аясында жаңа жұмыс орындары ашылды.

Аймақ басшысы алдымен темір­-бетон бұйымдары, таскірпіштер шығарумен айналысатын «Арал­құрылыс» ЖШС-нің өндірістік базасына ат басын бұрды. Серік­тестік директоры Оразғали Құл­мырзаевтың айтуынша, алдағы уақытта темір-бетон бұйымдарын қыс, күз айларында дайындау үшін арнайы жабық ғимаратты салу қолға алынбақ. Жалпы, өндірісті модернизациялап, қа­жетті құрал-жабдықтармен қам­тамасыз ету үшін 120 млн. теңге қаржы салынуы керек.

Келесі кезекте облыс әкімі «Қамбаш балық» ЖШС-не аялдап, ондағы жүзеге асырылып жатқан ауқымды жұмыстарға назар аударды. Серіктестік «Кіші-Арал» өндірістік бірлестігі» СТК және «Оңтүстік» ӘКК-мен бір­лесіп, сервистік дайындау орта­лығын құрды. Аталған серіктестік қазір балық өңдеу ісімен айна­лысады. Ал болашақта көкөніс қоймасын салуды қолға алуға ниет танытып отыр. Осы жерде Арал ауданының әкімі Нәжма­дин Мұсабаев аймақ басшысын өңірлік индустрияландыру карта­сына ұсынылған инвестициялық жобалармен таныстырды.

Ауданға сапары барысында облыс басшысы өзге де нысандарда болып, жергілікті жұртшылықпен жүздесті.

Соңғы жаңалықтар