ОҚО-да «құтырыну» диагнозымен ауруханаға жатқызылған жасөспірім көз жұмды

АСТАНА. Шілденің 13-і. ҚазАқпарат - Оңтүстік Қазақстан облысында «құтырыну» диагнозымен ауруханаға жатқызылған 16 жастағы бала көз жұмды.

Түлкібас ауданы, Майлыкент ауылдық округі Бақытбек ауылының тұрғыны аудандық аурухананың жұқпалы аурулар бөліміне шілденің 3-і күні «құтырыну» ауруын жұқтырды деген күдікпен жатқызылған. Шілденің 6-сы күні диагноз расталып, шілденің 10-ы күні бала қайтыс болды.

Қазіргі таңда, онымен байланыста болған 4 адам медициналық қадағалау мен антирабикалық емдеуден өтіп жатыр, деп атап өтті баспасөз орталығы.

Ауруды жұқтырған орында эпидемияға қарсы шаралар жүргізіліп жатыр.