ОҚО-да мектепке дейінгі 49 мекеме ашылды
Биыл балабақшаға балаларды орналастыруды 80 пайызға дейін қамту жоспарлануда. Бұл ретте, топтарда балалар саны 25-тен аспайтын болады. Міндет оңай емес, алайда бәрін де орындауға болады деді басқармадан. ОҚО-да қазір 1465 балабақша мен шағын орталықтар бар, олардың 807-сі мемлекеттік. «Балабақша салуға жеке кәсіпкерлердің атсалысуы қатты қуантады. Бұл мектепке көбірек бала тәрбиелеуге, оларды тәртіпке, қарым-қатынасқа үйретуге мүмкіндік береді. Бизнесмендер облыстың 14 ауданында балабақшалар мен шағын орталықтар ашты. Жыл ішінде 12 мың орындық балабақша салу жоспарлануда», - деді облыстық білім беру басқармасынан.
Мемлекеттік бағдарлама бойынша жұмыс істейтін жекеменшік балабақшаларда балаға төлем бөлігін мемлекет қамтамасыз етеді. Ауылда бір орын ата-аналарына айына 3-5 мыңнан келеді. Ең қымбат орын Шымкент қаласында. Мұнда қазаннан бастап балабақша құны 8500 теңгеге көтерілді. «Соңғы рет балабақша құны үш жыл бұрын көтерілген. Қазір азық-түлік өнімдерінің бағасы да өсті. Мекемедегі тағам белгілі бір нормаларға сәйкес келуі тиіс. Балалар ет, балық, жеміс, көкніс, жармалар жеуі қажет. Сол үшін де бағаны өсіруге мәжбүр болдық», - деді білім беру бөлімі басшысының орынбасары Эльмира Тілеукеева.
Облыста жаңа балабақша ашу қарқынды жүргізіліп жатқанын атап өткен жөн. Өңірде бір айда 5 балабақша тапсырылды. Түркістанда, Бәйдібек ауданында екі балабақшадан, Шымкенте бір балабақша ашылды.