ОҚО-да Үдемелі индустриялық-инновациялық даму мемлекеттік бағдарламасы ауқымында 30 жоба іске қосылды

МКЕНТ. 17 қараша. ҚазАқпарат /Татьяна Пылаева/ - 2011 жылдың 10 айында Оңтүстік Қазақстан облысында Үдемелі индустриялық-инновациялық даму мемлекеттік бағдарламасы ауқымында жалпы көлемі 11,2 млрд. теңгенің 30 жобасы іске қосылып, 1320 жұмыс орны ашылды, деп хабарлады ОҚО әкімдігінің баспасөз қызметі.

Осы кезеңде аймақта өнеркәсіп өнімдерінің көлемі 293,4 млрд. теңге немесе өткен жылдың тиісті кезеңімен салыстырғанда 101,9 пайыз болды.

2011 жылғы 1 қарашадағы мәлімет бойынша, сапа менеджменті жүйесін енгізген кәсіпорындар мен мекемелер саны 303-ке жетті (2010 жылғы 1 қарашада - 238).

238 кәсіпорын тауардың шыққан жері туралы 876 «СТ-KZ» сертификатын алды (2010 жылғы 1 қарашада - 113 кәсіпорын).