Оқушы қыздардың өлімі: Алматының білім басқармасы мәлімдеме жасады

АЛМАТЫ. KAZINFORM - Алматыда екі жасөспірім қыз көпқабатты үйден құлап, оқиға орнында қайтыс болды.

Алмалы ауданында орналасқан мектеп оқушыларының өліміне байланысты қалалық Білім басқармасы мәлімдеме жасады.

— Білім басқармасы тиісті мемлекеттік органдардың қызметкерлерін тарта отырып, істің барлық мән-жайларын зерделеу жөнінде комиссия құрды, - деп хабарлады басқармадан.

Сондай-ақ Білім басқармасының баспасөз қызметі осы факті бойынша Алмалы ауданының полиция басқармасы қылмыстық іс қозғағанын және тергеу мүддесі үшін басқа ақпарат таратылмайтынын мәлімдеді.

Еске салайық, бұған дейін Алматыда бір айда 6 бала терезеден құлап кеткенін жазған едік.