Оқушыны жезөкшелікке мәжбүрлеу: Бүгін Қызылордадағы атышулы іске қатысты сот үкімі шығады

ҚЫЗЫЛОРДА. KAZINFORM — Қызылордада 16 жастағы қызды сыныптастары сексуалды құлдықта ұстаған оқиғаға қатысты 9 адамға сот үкімі шығады.

Бұған дейін атышулы іске байланысты айыпталған 5 адам сотталған болатын. Олардың арасында жәбірленушінің кәмелетке толмағанын біле тұра оны саунада жезөкшелікке тартып, жеңгетайлықпен айналысқандар, бопсалаушылар мен мефедрон қабылдауға итермелеп, жыныстық қатынасқа мәжбүрлегендер бар. 

Бүгін ісі қаралатын 9 адамның 5-і кәмелетке толмаған.

Бұған дейін біз Қызылорда қаласының № 2 сотында кәмелетке толмағанды психотроптық заттарды тұтынуға көндіру фактісі бойынша сотталушы Н.-ға қатысты қылмыстық іс қаралғанын жазғанбыз. Сот үкімімен сотталушы ҚР Қылмыстық кодексінің 299-бабы 3-бөлігінің 1-тармағы бойынша кінәлі деп танылды. Оған 8 жыл мерзімге бас бостандығынан айыру жазасы тағайындалды. 

Еске сала кетейік, Қызылордада сыныптасын жезөкшелікпен айналысуға мәжбүрлеген оқушылар күдікке ілінгенін жазған болатынбыз.

Артынша Қызылордада келеңсіздікке жол бергендер қызметінен кетті.

Кейін ҚР ІІМ жәбірленуші тұратын аумақты тәулік бойы күзетті.

Ғани Бейсембаев оқушыны жезөкшелікке мәжбүрлеу дауына қатысты пікір білдірді.

Тергеу жүріп жатқанда Қызылордада оқушыны жезөкшелікке мәжбүрлеген 8 күдікті қамалды.

Кейінірек оқушыны жезөкшелікке мәжбүрлеуге қатысты 13 адам анықталды.

Сондай-ақ қараша айында Қызылордада оқушыны жезөкшелікке мәжбүрлеген айыпталушыға үкім кесілді.

Ал Қызылорда облысының кәмелетке толмағандардың істері жөніндегі мамандандырылған ауданаралық сотында сотталушы К.-ға қатысты екі қылмыстық іс бойынша сот үкімі шықты.

Айта кетсек, оқушыны жезөкшелікке мәжбүрлеу ісі бойынша Қызылордада жеңгетайлық фактісіне қатысты сот үкімі шығарылды.