Омск-Майқапшағай трассасында жол апатында бір адам мерт болып, тағы үшеуі жарақаттанды

ӨСКЕМЕН. 20 наурыз. ҚазАқпарат - Кеше кешке Омск-Майқапшағай автожолында Суық Бұлақ ауылының маңында «Тойота-Камридің» 22 жастағы жүргізушісі ара-қашықтықты сақтамау салдарынан алда келе жатқан «Ниссан-Премьера» көлігімен соқтығысты.

Cалдарынан «Тойотада» болған 20 және 21 жастағы екі жолаушы, сондай-ақ «Ниссанның» жүргізушісі жарақаттанды. «Тойотаның» үшінші жолаушысы - 21 жастағы бойжеткен алған жарақаттардан Семей қаласының ауруханасына барар жолда көз жұмды.

Жол полициясынан мәлім еткендей, өңірде өткен тәулік ішінде үш жол апаты болды, оларда бір адам көз жұмып, алтауы жарақаттанды.