Өңірде жұмыссыздар саны 34,1 пайызға азайды

ОРАЛ. Маусымның 16-сы. ҚазАқпарат /Елжан Ералы/ - Батыс Қазақстан облысында биылғы маусымның 1-іне дейін жұмыспен қамту органдарында есепке тұрған жұмыссыздар саны 2410 адамды құрады, бұл өткен жылғыдан 34,1 пайызға кем.

Облыстық статистика департаментінен ҚазАқпарат тілшісіне хабарлағанындай, ауылдық жерде 1663 жұмыссыз тіркеліп, 24,6 пайызға азайды. Жұмыссыздардың 61,7 пайызы - әйелдер, бұлардың да қатары 36,7 пайызға немесе 863 адамға қысқарды.

Биылғы бес айда 9241 адам жұмысқа орналасу жөнінде өтініш білдірген, бұл өткен жылғыдан 23,7 пайызға көп. 463 адам кәсіби біліктілігін көтеруге жіберілсе, 3646 адам қоғамдық жұмыстарға қатысты.