Өңірге танымал басшының 70 жылдығы аталып өтілді

ОРАЛ. Қыркүйектің 2-сі. ҚазАқпарат /Елжан Ералы/ - Батыс Қазақстан облысында басшылық қызметтер атқарған Валерий Кондратенконың 70 жылдығы аталып өтілді, деп хабарлайды ҚазАқпарат тілшісі.

Қазіргі кезде «Ақжайықэнергосауда» ЖШС директорының кеңесшісі қызметін атқаратын В.Кондратенконы ұжыммен бірге Қазақстан халқы облыстық ассамблеясы төрағасының орынбасары Қуанышбай Төлебаев құттықтап, облыс әкімінің алғысхатын табыс етті. Сондай-ақ мерейтой иегерін Орал қаласының әкімі Самиғолла Оразов, табиғи монополияларды реттеу жөніндегі департамент директоры Нариман Төреғалиев құттықтап, ізгі тілектерін білдірді. Олар, әсіресе, Валерий Кондратенконың құрылыс саласында жемісті еңбек еткенін, сондай-ақ табиғи монополияларды реттеу департаментін абыроймен басқарғанын атап өтті.