Оңтүстік Қазақстан облысының тұрғыны «конго-қырым геморрагиялық безгегі» алдын-ала диагнозымен ауруханаға түсті

АСТАНА. Шілденің  11-і. ҚазАқпарат -   Оңтүстік Қазақстан  облысында   Түркістан  қаласындағы инфекциялық  ауруханаға    «конго-қырым  геморрагиялық  безгегі»   алдын-ала диагнозымен    58 жастағы ер  азамат   жеткізілді,

деп   хабарлайды ҚазАқпарат   Төтенше жағдайлар  министрлігінің баспасөз қызметіне сілтеме  жасап.

Науқастың  жағдайы  өте ауыр  деп  бағаланып отыр.  Сондай-ақ,  онымен     қарым-қатынаста болған 10  адам анықталды,   олар   медициналық бақылауға алынды.   Ал індет ошағында      зарарсыздандыру  шаралары  жүргізілуде.

Конго-қырым  геморрагиялық       безгегі -  вирустық ауру.   Оның   қоздырушы  көзі -    малдар, ал  тасымалдаушысы - кене.     Індет   науқас адамнан  да жұғуы  мүмкін.  Бұл   барысы өте ауыр  жүретін ауру.