Оңтүстік Қазақстанда ардагерлер ұйымының конференциясы өтті

None
None
ШЫМКЕНТ. ҚазАқпарат - Оңтүстік Қазақстан облысында ардагерлер ұйымының VII конференциясы өтті.

Алқалы жиынға облыс әкімі, ардагерлер ұйымының мүшелері, ҰОС ардагерлері мен тыл еңбеккерлері және аудан, қалалардың әкімдері, мәслихат хатшылары, барлық құзырлы органдардың өкілдері қатысты.

Конференция жұмысы барысында сөз алған өңір басшысы Б.Атамқұлов: «қария болмаса - қоғамда береке болмайтынын» айтып, елдің өсіп-өркендеуіне олардың қосар үлесі зор екенін жеткізді.

«Сіздер - салт-дәстүріміздің сақталуына әсер етіп, жас ұрпаққа дұрыс тәрбие берудің озық үлгісін көрсететін адамдарсыздар. Облысымыз қазыналы қарттар мен ардақты аналарға өте бай. Сондықтан да, Оңтүстік ұлысымыздың ұйытқысы болып отыр», - деді ол.

Жиын соңында облыс әкімі бірқатар ардагерлерді қоғамдағы белсенді қызметі үшін марапаттап, оларға ұзақ өмір, зор денсаулық тіледі. Айта кетейік, облыста жалпы 214 599 зейнеткер тұрса, олардың 352-сі Ұлы Отан соғысының ардагері, 209 мыңнан астамы тыл еңбеккері, деп хабарлайды өңір басшысының баспасөз қызметі.

Соңғы жаңалықтар