Оңтүстік Корея базарында 227 дүкен өртеніп кетті

АСТАНА. KAZINFORM – Cочходағы теңіз өнімдерінің үлкен базарында 227 дүкен өртеніп кетті, деп хабарлайды Yonhap ақпарат агенттігі. 

Өрт дүйсенбі күні түнде басталды. Жалын 361 өрт сөндіруші және 45 өрт сөндіру көлігінің көмегімен екі сағаттың ішінде ауыздықталып, таңға қарай толық сөндірілді.

Теңіз өнімдерінің дәстүрлі базарында 292 дүкеннің 227-сі өртеніп кеткен.

Өрттің шығу себебі әзірге белгісіз.