Оңтүстік Корея шетелдіктер үшін электронды карта жүйесін енгізді

АСТАНА.KAZINFORM - 24 ақпаннан бастап Оңтүстік Кореяға баратын шетелдіктер көші-қон картасын елге кіруге үш күн қалғанда онлайн толтыра алады, деп жазады Yonhap.

Бұл туралы Оңтүстік Кореяның Әділет министрлігі хабарлады. 

E-Arrival картасы (электрондық келу картасы/көші-қон картасы) деп аталатын жаңа электронды карта тексеру уақытын қысқартады және әуежайлардағы кептелісті жеңілдетеді. Бұл бір жағы туристерді тартуға көмектеседі, деп атап өтті департамент.

Бұған дейін Оңтүстік Кореяға қысқа мерзімді сапарлармен, соның ішінде туризммен келген шетелдіктер әуежайда қағаз түріндегі иммиграциялық карталарды қолмен толтыруы қажет болатын.

Министрлік шатыстырмау үшін қағаз жүйесін жаңа электронды жүйемен бірге жылдың соңына дейін сақтауды жоспарлап отыр.

Еске салсақ Оңтүстік Кореядағы 5 зауыт 76 мыңға жуық көлігін кері қайтарып алатынын жазған едік.