Оңтүстік Кореяда үш өңірдегі орман өртіне байланысты төтенше жағдай енгізілді

АСТАНА. KAZINFORM – Ішкі істер және қауіпсіздік министрлігі 4 адам құрбан болған үш өңірдегі орман өрті табиғи апатына байланысты төтенше жағдай жариялады, деп хабарлайды ресейлік ТАСС.

Ведомствоның сайтында осындай ақпарат жарияланды.

- Ішкі істер министрлігі Кёнсан-Намдо провинциясындағы Санчхон уезін қоса алғанда елдің аймақтарындағы өрт оқиғаларының салдарынан орасан шығын келуіне байланысты 22 наурыз күні сағат 18:00-ден бастап Ульсан қала-метрополиясында, Кёнсан-Пукто мен Кёнсан-Намдо провинцияларында барлық ведомстволардың күшін біріктіру үшін төтенше жағдай жарияланды, - делінген хабарламада.

Оңтүстіккореялық БАҚ өкілдерінің хабарлауынша, өрт салдарынан 4 өрт сөндіруші мерт болды. Жергілікті тұрғынды қоса алғанда 6 адам із-түзсіз кеткен.

Yonhap агенттігінің мәліметтеріне қарағанда, көршілес ауылдардан 50 адам эвакуацияланған. 260 адам баспаналарынан айырылып, уақытша орналасу орындарында тұрып жатыр.

Өрт жұма күні кешкісін Санчхон уезінде басталды. Жергілікті уақыт бойынша сағат 10:30-да өрт ошақтарының 70% сөндірілген. Алайда артынан күшті жел тұрып, көрсеткіш 35%-ке түсіп қалды.

Өртенген аймақтарда теміржол мен жолдардағы қозғалыс тоқтады. Төтенше жағдай болған аймақтарға Корея Республикасы президентінің міндетін атқарушы Чхве Сан Мок барып қайтты. Ол өртті сөндіру үшін барлық қажетті мамандар мен құралдарды жұмылдыруды тапсырды. Чхве Сан Мок төтенше жағдай жариялау қажет деді.

Осыған дейін Оңтүстік Кореяда салынып жатқан көпірдің опырылып түскені туралы жазды.