Оңтүстік Кореяның Конституциялық соты 4 сәуірде Юн Сок Ёльге импичмент жариялау ісі бойынша сот шешімін жариялайды

АСТАНА.KAZINFORM  - Конституциялық сот жұма күні жергілікті уақыт бойынша сағат 11:00-де президент Юн Сок Ёльге импичмент жариялау ісі бойынша шешім шығаратынын хабарлады, деп хабарлайды Yonhap.

Үкім сот ғимаратында жарияланады және тікелей эфир арқылы көрсетіледі, деп хабарлады сот сейсенбі күні баспасөз хабарламасында.

Шешім Ұлттық ассамблея (парламент) Юн Сок Ёльге 3 желтоқсанда қысқа мерзімді әскери жағдай енгізіп, Конституция мен заңды бұзды деп айыптап, импичмент жариялағаннан кейін шамамен төрт ай өткен соң шықты.

Ол өз кезегінде өз бұйрығын оппозициялық партияға ескерту ғана екенін айтып, тағылған айыптарды жоққа шығарды.

Конституцияға сәйкес импичментті мақұлдау үшін кемінде алты судья келісу керек. Қазір сотта сегіз судья бар.

Егер сот импичментті қолдаса, Юн Сок Ёль қызметінен босатылады. Қолдамаса, ол қызметіне қайта оралады және мерзімінің соңына дейін қызметінде қалады. Юн Сок Ёль соғыс жағдайын енгізу әрекеті арқылы бүлік тудырғаны үшін қылмыстық жауапкершілікке тартылды.

Қаңтар айында оны тергеушілер ұстап, уақытша ұстау абақтысына қамады. Наурызда сот оны қамауға алуды заңсыз деп тауып, бостандыққа шығарған.