Оңтүстік Корея соты Юн Сок Ёль импичменті бойынша соңғы тыңдау өткізді

АСТАНА.KAZINFORM - Корея Республикасының Конституциялық соты сейсенбі күні сот залына қатысып, қорытынды сөз сөйлеген президент Юн Сок Ёльге қарсы импичмент ісі бойынша 11-ші (соңғы) тыңдау өткізді, деп жазады Синхуа.

Сот отырысы жергілікті уақыт бойынша сағат 14:00-де басталды.

Юн Сок Ёльдың адвокаттары мен Ұлттық ассамблея адвокаттары соңғы сөз сөйлеп, жергілікті уақыт бойынша кешкі сағат 21:00 шамасында биліктен қуылған президенттің өзі соңғы сөзін айту үшін сотқа келді.

Ол Оңтүстік Корея халқынан әскери жағдай енгізгені үшін кешірім сұрап, көрсеткен қолдаулары үшін алғыс білдірді. Юн Сок Ёль 2024 жылдың 3 желтоқсанына қараған түні төтенше жағдай жариялады, бірақ Оңтүстік Корея парламенті оны бірнеше сағаттан кейін алып тастады.

Юн Сок Ёльге импичмент жариялау туралы ұсынысты 2024 жылдың 14 желтоқсанында Ұлттық ассамблея мақұлдап, 180 күн ішінде Конституциялық сотқа қарауға жіберілді. Бұл кезеңде Юн Сок Ёльдың президенттік өкілеттігі тоқтатылды.

Оңтүстік Корея соты президент Юн Сок Ёль импичменті бойынша қосымша тыңдау тағайындағаны туралы жазған едік.