ОПЕК+ келесі отырысы қашан өтеді

АСТАНА. KAZINFORM — ОПЕК+ ұйымының сегіз жетекші елі қазан айымен салыстырғанда мұнай өндіру көлемін тәулігіне 137 мың баррельге арттыру туралы шешім қабылдады, деп хабарлайды ТАСС.

Мәлімдемеде бұл шешімнің әлемдік экономиканың тұрақты келешегі мен нарықтағы оң іргелі көрсеткіштерге байланысты қабылданғаны атап өтіледі. Атап айтқанда, әлемдік мұнай қорының төмен деңгейі нарықтағы тепе-теңдіктің сақталып отырғанын көрсетеді.

ОПЕК елдері нарық жағдайын үнемі бағалап отыратынын және қажет болған жағдайда өндірудің жоспарлы өсімін тоқтату немесе қайта қарау мүмкін екенін мәлімдеді.

ОПЕК деректеріне сәйкес, қараша айында:

Ресей мен Сауд Арабиясы өндірісті тәулігіне 41 мың баррельге,

Ирак — 18 мың баррельге,

БАӘ — 12 мың баррельге,

Кувейт — 10 мың баррельге,

Қазақстан — 7 мың баррельге,

Оман — 4 мың баррельге,

Алжир — 4 мың баррельге арттыра алады.

Нәтижесінде елдердің жаңа өндіріс квоталары келесідей белгіленді:

Ресей — 9,532 млн баррель/тәулік,

Сауд Арабиясы — 10,061 млн баррель/тәулік,

Ирак — 4,255 млн баррель/тәулік,

Кувейт — 2,569 млн баррель/тәулік,

БАӘ — 3,399 млн баррель/тәулік,

Қазақстан — 1,563 млн баррель/тәулік,

Оман — 808 мың баррель/тәулік,

Алжир — 967 мың баррель/тәулік.

ТАСС агенттігінің есебі бойынша, кейбір елдердің бұрынғы кезеңдегі артық өндіруін өтеу кестесін ескере отырып, қараша айында нақты өндіріс өсімі шамамен тәулігіне 74 мың баррель.

Келесі ОПЕК+ «сегіздік» кездесуі 2025 жылғы 2 қарашада өтеді. 

Айта кетелік ОПЕК+ негізгі мүшелері мұнай өндіруді ұлғайтуға келіскен еді.