Опырылып құлаған Шымкент-Самара көлік жолындағы көпірді жөндеу жұмыстары басталды

АСТАНА. 18 наурыз. ҚазАқпарат - 2013 жылдың 16 наурызында Қызылорда облысының Қармақшы ауданында Шымкент-Самара көлік жолында теміржолдың үстінен өтетін көпір жартылай опырылып құлады, қираған аумақ көлемі 2x2 метрді құрады.

ҚР ІІМ Жол полициясының қызметкерлері мәлім еткендей, қазіргі уақытта Қызылорда облысының жол полициясы көпірдің қарсы бағыты бойынша көліктің реверсивті қозғалысын ұйымдастырды. Төтенше жағдай орнында жөндеу жұмыстары басталып, жүргізілуде.