Орал қаласы жолдарын жөндеуге 1,8 млрд. теңге жұмсалды

ОРАЛ. 7 қараша. ҚазАқпарат - Биыл Орал қаласында жалпы ұзындығы 28,4 шақырым автокөлік жолы жөнделіп, оған 1,8 млрд. теңге жұмсалды.

Орал қа­лалық тұрғын үй-комму­нал­дық шар­уашылық, жолаушы көлігі жә­не автомобиль жолдары бөлімінің басшысы Рүстем Закариннің айтуынша, қала­дағы Гагарин көшесі (Ружейни­ков көшесінен бастап №2 автобус мар­шрутының соңғы аялдамасы­на дейінгі аралық) мен Кругло­озерный ауылындағы Комсомол көшесі орташа деңгейдегі жөн­деуден өтті. Гагарин көшесінің 1525 метр жолын жөндеуге 92,977 млн. теңге, ал Круглоозерный кентіндегі Комсомол көшесінің 1810 метр жолына 56,106 млн. теңге берілді. Сондай-ақ қала орталы­ғын­дағы А.Құсайынов атындағы кө­шенің Достық даңғылы мен Чагано-Набережная көшесі аралы­ғындағы бөлігі күрделі жөндеуден өтті. Ұзындығы 894,8 метр­ді құрай­тын жолды жөндеу жұмы­сына 133,279 млн. теңге бөлінді. Бұған қоса «ҚПО б.в.» қаржы­сы­на И.Тайманов, Алмазов, Чагано-Набережная, Садовая, М.Мәме­товадан бастап Шевченко кө­шесіне дейінгі жалпы ұзын­ды­­ғы 2437 метрді құрай­тын автокөлік жолдары күрделі жөндеуден өтті.. Сондай-ақ «Бизнестің жол картасы - 2020» бағдарламасы аясында қаладағы Некрасов кө­шесі (Құрманғазы көшесінен бастап Некрасов көшесіне дейінгі ара­лықтағы ұзындығы 277 метр жол) мен Полевая көшесіндегі (Ма­гистраль­ный көшесінен бастап «Та­лап» АҚ, «Алим» және «Альтаир» ЖШС-ның өндірістік базаларына де­йінгі ұзындығы 1005 метрді құ­райды) жолдар, «Ани Плаза» қо­нақүй кешеніне қарай кететін ұзындығы 400 метрлік авто­көлік жолы, «Василец» ЖШС базасына апаратын ұзындығы 634 метр жол және «Желаев астық өнімде­рі комбинаты» АҚ қарай бара­тын ұзындығы 4100 метрлік автокө­­лік жолы жаңғыртылуда. Сондай-ақ «Кублей» ЖШС-на қарасты ет өңдейтін кешенге апаратын ұзындығы 305 метр болатын автокө­лік жолдарының құрылы­сы жүр­гі­зілуде. Сонымен қатар биыл былтыр басталған бірқатар ав­токөлік жолдарын жөндеу жұмы­сы аяқталды. М. Шолохов (Х.Есен­жанов көшесінен С.Датов көше­сіне дейін, ұзындығы 4500 метр) және С.Датов (ұзындығы 3800 метр) көшелері орташа деңгейде­гі жөндеуден өтсе, Карев (Елизаров көшесінен Чагано-На­бе­режная көшесіне дейінгі аралық,ұзын­дығы 2050 метр), Петров­ский (Де­повский көшесі­нен Еура­зия даңғы­лына дейін, ұзынды­ғы 1100 метр) көшеле­рі мен кар­диоло­гия орталығына апаратын жол (ұзынды­ғы 1500 метр) жаң­ғыр­­тыл­ды. Жол жөндеу жұмыстары алдағы жылы да жалғасатын болады.