Орал қаласында ҚР Премьер-Министрінің қатысуымен трансшекаралық өзендер мәселесіне арналған жиналыс болады

АТЫРАУ ОБЛЫСЫ. Маусымның 18-і. ҚазАқпарат /Қанат Құлшыманов/ - Орал қаласында ҚР Премьер-Министрінің қатысуымен трансшекаралық өзендер мәселесіне арналған жиналыс болады.

«Шілдеде Орал қаласында мен трансшекаралық өзендер мәселесіне, нақтырақ айтқанда, олардың өткізу қабілетін арттыру жайына арналған жиналыс өткізбекпін. Ал Жайық туралы мәселе бөлек әңгіме болады», - деді журналистерге ҚР Премьер-Министрі Кәрім Мәсімов Атырау облысына жұмыс сапары кезінде.