Орал қаласының жастары сенбілікке шықты

ОРАЛ. 11 қараша. ҚазАқпарат - Орал қаласының жастары 9 қараша күні жоспардан тыс сенбілікке шықты.

Тазалық айлығының аяқталғанына қарамастан, Шаған жағалауы көшесі, 5-ші және 7-ші шағынаудандар, Курени және Чапаев затоны аумағындағы жұмыстарға облыстық жастар саясаты басқармасының қызметкерлері, жоғары және арнаулы орта оқу орындарының студенттері, жастар ұйымдарының көшбасшылары жұмылдырылды. Нәтижесінде сенбілікке екі мыңға жуық адам қатысты. Аталмыш шара қала тұрғындарына өз аумағын таза ұстауға, экологиялық мәдениетті қалыптастырып, жастарды одан әрі еңбекқорлыққа үйретуге септігін тигізді.