Оралда 979 млн. теңгенің мүлкі жария етілді

ОРАЛ. ҚазАқпарат - Орал қаласында 979 млн. теңгенің мүлкі жария етілді, деп хабарлайды ҚазАқпарат.

Орал қаласы әкімдігінен түскен мәліметке қарағанда, мүлікті жария ету науқаны басталған 2014 жылғы 1 қыркүйектен бері комиссия қызметіне 5 мың адам жүгінген. Олар барлығы 1 млрд. 415 млн. теңгенің мүлкін жария ету жөнінде өтініш жасаған.

Айта кетейік, мүлікті жария ету бойынша түскен өтініштерді комиссия бір ай мерзімде қарап, шешім шығарады. Аталмыш науқан биылғы 31 желтоқсанда мәреге жетеді. Яғни екі айға жетпейтін уақыт қалды.