Оралда ауыл шаруашылығы саласының үздіктері марапатталды
Жиынға қатысқан облыс әкімінің орынбасары Серік Сүлейменнің атап өткеніндей, өңірдің ауыл шаруашылығы саласын дамытуға аумақтық инспекция ұжымының қосқан үлесі мол. Әсіресе, мемлекеттік инспекция қызметкерлерінің өсімдіктерді қорғау, өсімдіктер карантині және фитосанитариялық бақылау бекеттері, асыл тұқымды мал шаруашылығы бағытындағы жақсы жұмыстарын айтуға болады.
Аумақтық инспекция басшысы Ғарапша Сахипов және бөлім басшылары облыстық аумақтық инспекция ұжымының жыл ішінде атқарған жұмыстарының қорытындысы және алда тұрған міндеттері туралы хабарлама жасады.
Жиын соңында Серік Кенжебекұлы инспекцияның бір топ қызметкерлеріне ауыл шаруашылығы саласы республикалық кәсіподағының «III дәрежелі «Еңбек даңқы» белгісін және министрліктің, облыс әкімдігінің алғыс хаттары мен дипломдарын табыс етті.