Оралда дәстүрлі Пушкин оқулары мәреге жетті

ОРАЛ. Мамырдың 5-і. ҚазАқпарат /Ғайсағали Ералы/ - Орал қаласындағы «Дарын» қосымша білім беру орталығында ІІІ облыстық Пушкин оқулары мәреге жетті,

деп хабарлайды ҚазАқпарат тілшісі. Александр Пушкин жөнінде шығарма жазудан Зеленов ауданы Щапов орта мектебінен Юлия Шевелева жеңімпаз атанса, ақын туындыларын мәнерлеп оқудан Орал қаласындағы №7 орта мектеп оқушысы Павел Питерсков алда болды. Ақын сөзіне жазылған әуендерді орындауда тасқалалық Яна Гущина алдына жан салмаса, бейнелеу өнерінен Зеленов ауданынан келген Настя Панасенко үздік шықты. Жеңімпаз бен жүлдегерлердің бәріне дипломдар мен сый ретінде ақын кітаптары табыс етілді.