Оралда халық санағына әзірлік мәселесі пысықталды

ОРАЛ. Ақпанның 13-і. ҚазАқпарат /Ғайсағали Ералы/ - Оралда облыс әкімінің орынбасары Нұрлан Ноғаевтың төрағалық етуімен алдағы халық санағын өткізуге жәрдемдесетін облыстық комиссияның кезекті отырысы болды,

деп хабарлайды ҚазАқпарат. Оның жұмысына Орал қаласы мен аудандар әкімдерінің орынбасарлары қатысты. Отырыста халық санағына әзірлік мәселелері пысықталды. Қазіргі жағдаймен облыстық статистика департаментінің бастығы Абай Хамзин таныстырса, Н.Ноғаев санақ кадрларын, әсіресе, есепшілерді таңдауға ерекше назар аудару, тұрғындар арасында бұқаралық түсінік жұмыстарын кеңінен жүргізу, санақ топтарын көлік және жанар-жағармаймен қамту қажеттігін еске салды.