Оралда каратэ-додан жастар арасында ел чемпионаты өтуде

ОРАЛ. 20 сәуір. ҚазАқпарат - 19 сәуір күні Орал қаласындағы жабық мұз айдыны сарайында каратэ-додан кадеттер мен жастар арасында ел чемпионаты басталды.

Жарысқа қатысушыларды облыс әкімінің орынбасары Серік Сүлеймен, ҚР каратэ-до федерациясының вице-президенті Жасталап Санауов құттықтап, сәттілік тіледі.

Біріншілікке он облыс пен Астана, Алматы қалаларынан жас каратэшілер қатысуда. Жарыс 21 сәуір күні мәреге жетіп, дүниежүзілік додаларда ел намысын қорғайтын жеңімпаз-жүлдегерлер анықталмақ.