Оралда кәсіпкерлерден ақша бопсалаған 8 адам ұсталды

АСТАНА. KAZINFORM —  10 маусымда Орал қаласында Ұлттық қауіпсіздік комитеті кәсіпкерлерден ақша бопсалады деген күдікпен топтың әрекетінің жолын кесті. Бұл туралы ҰҚК баспасөз қызметі хабарлады. 

— 8 қазақстандық ұсталды, екеуі соттың санкциясымен қамауға алынды, — делінген ҰҚК хабарламасында.

Бұл тұлғалардың әрекеттері аймақтың коммерциялық іс-әрекетіне қатысушыларына теріс әсер еткен.

Тінту барысында ірі көлемде ақша мен өзге де заттай дәлелдемелер тәркіленген. Қылмыстық кодекстің 194-бабы бойынша сотқа дейінгі тергеу жүргізіліп жатыр.

Қылмыстық-процестік кодекстің 201-бабының 1-тармағына сәйкес өзге ақпарат жария етуге жатпайды.

Айта кетелік Түркістан облысында колледж студентін өлтіру күдігімен шетелдік ұсталған еді.