Оралда полиция үш күнде 40-қа жуық жол ережесін бұзған көлік жүргізушісін ұстады

ОРАЛ. KAZINFORM – Батыс Қазақстан облысы аумағында жол қозғалысы ережелерін қасақана бұзушылықтардың жолын кесу мақсатында SuncarSmartQorgau жүйесі кеңінен қолданылады.

Бұл құрылғының көмегімен Ресей Федерациясының мемлекеттік нөмірі көрсетілген Mitsubishi Galant көлігінің жүргізушісі анықталып, ұсталды.

«Ол үш күнде 39 рет жылдамдық режимін арттырған. Айыппұлдың жалпы сомасы — 1 млн теңге.

Көлік арнайы автотұраққа қойылды», — деп жазды ІІМ-нен.

Айта кетейік, тексеру кезінде көліктің техникалық талаптарға сай емес екені және өзге де жол ережесін бұзу фактілері анықталды.