Оралда жеңіл көлік қағып кеткен әйел көз жұмды

ОРАЛ. KAZINFORM — Орал қаласында жол-көлік оқиғасынан әйел адам мерт болды. БҚО полиция департаментінің баспасөз қызметінен мәлім еткеніндей, оқиға 29 наурыз күні шамамен 22.10-да болды.

Жүргізуші «Ауди 80» автокөлігімен Жәңгір хан көшесі бойында Шаған өзенінен өтетін көпір маңында әйел адамды қағып кеткен.

— Марқұм жедел жәрдем көлігі келгенге дейін көз жұмды. Оқиға орнында полиция қызметкерлері жұмыс істеді. Қазіргі кезде оқиғаның мән-жайы анықталу үстінде. ҚР ҚК 345-бабы 3-бөлігіне сәйкес қылмыстық іс қозғалып, тергеу амалдары жүргізілуде, — деп хабарлады ведомстводан.

Еске сала кетейік, бұдан бұрын БҚО-да аудан әкімдігінде төбелес кезінде ауыр жарақат алған ер адамның палатаға шығарылғанын жазған едік.