18:56, 18 Қаңтар 2024 | GMT +5
Оралдың «Ақжайығы» көш басындағы команданы тізе бүктірді
ОРАЛ. KAZINFORM — Допты хоккейден жоғары лига командалары арасында бүкілресейлік жарыста Оралдың «Ақжайығы» «Жастар» стадионында «Маяк» (Краснотурьинск) командасын қабылдады.
Екінші топта «Маяк» 22 ұпаймен көш бастап келе жатқан-ды.
Тартысты өткен ойында оралдық Николай Шавалдиннің шәкірттері 5:3 есебімен «Маякты» тізе бүктірді.
«Ақжайықтан» команда капитаны Максим Өтебалиев қарсыластың қақпасына қос доп енгізсе, ресейлік сұрмерген Максим Пахомов хет-триктің авторы атанды.
Қонақтардан Михаил Калистратов 2, Денис Мубинов 1 гол соқты.
Ертең қос клуб екінші кездесуін өткізеді.
Осы ойыннан кейін 21 ұпай жинаған «Ақжайық» үздік үштікке енді.
Еске сала кетейік, бұдан бұрын «Ақжайықтың» ресейлік команданы екінші рет ұтқанын жазған болатынбыз.
