Оралдың «Грация KZ» командасы қарағандылықтардан басым түсті

ОРАЛ. 17 қараша. ҚазАқпарат /Елжан Ералы/ - Орал қаласында өтіп жатқан волейболдан әйелдердің жоғары лига командалары арасындағы ХХ ел чемпионатының бірінші турында 17 қараша күні оралдық «Грация KZ» «Қарағанды-2»-мен кездесті.

Аға бапкер Көлеңке Ғұбашев жаттықтыратын батысқазақстандықтар бұл ойында 3:0 есебімен жеңіске жетті. Әсіресе, олар үшінші партияда (25:11) айқын басымдылық көрсетті.

Бұл турда Теміртаудың «Спартак-АМТ» командасы үздік өнер көрсетуде. Олар кездесулерінің барлығын да жеңіспен аяқтады. Оралдықтар да әзірше тек осы командадан ұтылды.