Ормуз бұғазындағы жүк тасымалы 90%-ға төмендеді

АСТАНА. KAZINFORM — Kpler теңіз аналитикалық компаниясының деректеріне сәйкес, Ормуз бұғазы арқылы танкерлер тасымалы өткен аптамен салыстырғанда шамамен 90%-ға азайды.

Ормуз бұғазы арқылы кеме тасымалы күннен күнге төмендеп келеді: көптеген газ және мұнай танкерлері Ираннан келетін шабуылдар қаупіне байланысты бұл су жолымен өту тәуекеліне барғысы келмейді.

Күрт төмендеу ірі теңіз сақтандыру компаниялары Парсы шығанағында жұмыс істейтін кемелер үшін әскери тәуекелдерге байланысты сақтандыруды қайтарып ала бастағаннан немесе тоқтатқаннан кейін орын алды. Бұл әлемдік мұнай саудасының шамамен бестен бірі өтетін тар бұғаз арқылы жүруді айтарлықтай қауіпті етеді.

Соғыс басталғанға дейін бұғаз арқылы күніне орта есеппен 24 танкер өткен.

Соңғы 24 сағат ішінде BBC Verify бақылау деректері Ормуз бұғазы арқылы шығыстан батысқа қарай Парсы шығанағына өтіп бара жатқанын көрсететін кем дегенде екі жүк кемесін анықтады.

Айта кетейік, бұған дейін Иранның бұғазды «толық бақылауда ұстайтынын» мәлімдеп, өтіп бара жатқан кемелерге зымыран немесе дрон шабуылдары жасалуы мүмкін екенін ескертті.

Сондай-ақ, бұғаздағы шиеленіске байланысты мұнай бағасы барреліне 150 долларға баруы мүмкін екенін хабарладық.

Ормуз бұғазы айналасындағы шиеленіс экономикалық тәуекелдерді қалай арттырып жатыр — осы жерден оқыңыз.