Орталық Азия — Қытай: Келесі саммит Бейжіңде өтеді

АСТАНА. KAZINFORM — «Орталық Азия — Қытай» саммиті енді екі жылдан кейін Бейжіңде өтеді. Бұл туралы формат Хатшылығының Бас хатшысы Сунь Вэйдун Астана саммитін қорытындылаған мәлімдемесінде айтты.

— Орталық Азия елдерінің президенттері екіжақты кездесулер өткізді. Онда өзара сенімді нығайту және ынтымақтастықты күшейту мәселелері талқыланды, — деді ол БАҚ өкілдерінің алдында оқыған мәлімдемесінде.

Сондай-ақ ол Астана саммитінің ұйымдастырылу деңгейіне тоқталды.

— ⁠Тараптар Қазақстанға екінші Орталық Азия — Қытай саммитін жоғары деңгейде ұйымдастырғаны үшін алғыс білдірді. Тараптар үшінші Орталық Азия — Қытай саммиті 2027 жылы Қытайда өтеді деп келісті, — деді Сунь Вэйдун.

Айта кетейік, бүгін елордадағы Тәуелсіздік сарайында «Орталық Азия – Қытай» ІІ саммиті өтті. 

Саммит барысында Президент Құрық портында Қытаймен бірлескен жүк терминалын құруды ұсынды.