Орталық Азиядағы ең әсем қала анықталды

АСТАНА. KAZINFORM — Oxford Economics Global Cities Index 2025 рейтингі бойынша Алматы Орталық Азиядағы ең үздік қала атанды.

Oxford Economics — экономикалық кеңес беретін тәуелсіз компания.

Компанияның 2025 жылғы жаңартылған жаһандық қалалар индексі бойынша құрылымдық күші, мүмкіндіктері жоғары қалалар бағаланды. Бағалау бес санаттағы бірқатар көрсеткіш бойынша жүргізілді: экономика, адами капитал, өмір сапасы, экология және басқару.

Дүние жүзіндегі 1000 қаланың тізімінде Алматы 258-ші орында тұр. Сонымен қатар, адами капитал санатында 64-ші орынға ие болды. Бұл ретте оңтүстік астана Орталық Азияда бірінші орында тұр.

Астана мен Шымкент қалалары да рейтингке еніп, сәйкесінше 276 және 534-орындарға орналасты.

Орталық Азия қалалары

• Алматы қаласы 258-орын
• Астана 276-орын
• Ташкент 471-орын
• Бішкек 498-орын
• Шымкент 534-орын
• Ашхабад 623-орын
• Душанбе 683-орын

Үздік ондық

АҚШ-тың бес қаласы әлемдегі үздік он қаланың қатарына енді.

• Нью-Йорк
• Лондон
• Париж
• Сан-Хосе
• Сиэтл
• Мельбурн
• Сидней
• Бостон
• Токио
• Сан-Франциско

Осыған дейін Алматының жаңа әкімі қала тұрғындарына үндеу жасағанын жаздық.