Орталық Азия медиафорумы: Бірыңғай медиаплатформа құру мәселесі көтерілді
«Президент Қасым-Жомарт Тоқаевтың Орталық Азия медиафорумын өткізу туралы бастамасы өте маңызды, сұранысқа ие және өзекті. Бұл шара бір реттік болмайды, тұрақты түрде өтеді деп үміттенеміз және Біз орталықазиялық отбасымен үнемі кездесіп, өңірімізді толғандыратын ең өзекті мәселелерді талқылай аламыз. Менің ойымша, бүгінгі бірыңғай медиаплатформа құру мәселесін көтеріп отырғанымыз дұрыс. Ол бүкіл аймақ үшін ортақ, біртұтас сипатқа ие болады. Бұл идея бір міндетке – Орталық Азиядағы өңірлік бірегейліктің іргелі негіздерін қалыптастыру үшін өте маңызды. Бұл, ең алдымен, медиа саласында күш біріктірмей шеше алмайтын өте маңызды міндет», - деді Э. Арипов.
Өз сөзінде спикер ортақ мәдени құндылықтар мен дәстүрлер негізінде ынтымақтастықты кеңейту анағұрлым тиімді екенін атап өтті.
«Орталық Азия туралы білетіні аз, бірақ объективті заңды жақсы түсінетін бірқатар еуропалық ғалымдар жүргізген өте қызықты зерттеу бар. Олар эмпирикалық зерттеулер жүргізіп, ортақ мәдени құндылықтарды, дәстүрлерді бөлісетін елдер өзара іс-қимылда, ынтымақтастықта және сауда саласында, экономикалық қатынастарда, инвестицияларда әлдеқайда тиімді деген қорытындыға келді. Неліктен бұлай? Бір ғана себеп – сенім факторы. Сенім факторы өте маңызды. Біз бірінші кезекте кімге сенеміз? Ең алдымен, біз өте жақсы білетіндер мен түсінетіндерге. Сондықтан аймақтық сәйкестік өте маңызды. Орталық Азиядағы әрбіріміз өз еліміздің бір бөлігін ғана емес, жалпы өңірдің – Орталық Азия өңірінің бір бөлігін де сезіне бастағанымыз маңызды», - деп атап өтті ол.
Өзбекстанның стратегиялық және халықаралық зерттеулер институтының басшысы бұл тәсілдің формуласын Өзбекстан Президенті ұсынғанын атап өтті.
«Президентіміз «Орталық Азия – бір тарих – ортақ болашақ» деген ұранды ұсынды, бізде шынымен де мықты мәдени мұра бар. Алайда, біз алға ұмтылғымыз келсе, кез болатын мәселелерді ортаға салып, бірге шешу керек екенін түсіну маңызды. Біз ғасырлар бойы қатар өмір сүрдік, бірақ, өкінішке қарай, бір-бірімізді жақсы білмейміз, жете түсінбей келеміз. Мұны еңсеру үшін ең алдымен, объективті ақпаратты көбірек таратып, қызығушылық таныту қажет. Біздің қазақстандық достарымыз ұсынған бұл идея өзінің үлкен миссиясын орындай алады деп ойлаймын», - деп қорытындылады Элдор Арипов.